Eit materiale eg ikkje har brukt så mykje før i mine hobbyar er papir. I dette tilfellet eit gammalt teikneseriehefte. Litt gulna i kantane men det gjer ingen ting for det eg lagar, som tross alt er forventa å vere eit eingangsprodukt: godteposar til vekas sjuårsdag. Papiret var litt sprøtt og rivna lett, så ideelt sett skulle eg sikkert brukt litt stivare og nyare papir.
Eg har funne ein del beskrivelsar på engelsk på korleis ein gjer dette slik eg hadde tenkt det skulle sjå ut, men ingen på norsk. Så difor tenkte eg at eg like godt kan skrive det ned så eg hugsar det til neste gang ;)
Eg begynte med å skjære margen av heftet for å få størst mogeleg sider å arbeide med. Å rive ut arka gav litt svinn så papirkniven vart eit bedre alternativ. To og to ark vart limt sammen med overlapp på langsida slik at dei danna ein sylinder med kortsidene som opninga. *la tørke*
Brett så sylinderen flat og brett inn ein kant i kvar langside. Eg fann ut etter litt prøving og feiling at det passar å brette inn 1/8 av breidden i kvar side – Sidan tegneseriearka mine er ca 16 cm breide vart det 2 cm her. Eg brukte Hera Marker og linjal for å lage linjer å brette etter.
«Vreng» bretten inn slik at arbeidet ditt ser slik ut:
Brett så opp ein kant frå botnen. Her har eg funne ut at 1/4 av den opprinnelige breidden (eller halve omkretsen om du vil) passar – i mitt tilfelle 4 cm. Brett mot begge sider.
Opne så opp posen slik at du får plass til å brette botnen slik som på bildet under. Legg merke til at hjørnebretten havnar mot bretten du nettopp har laga 4cm opp frå botnen. Flappane er på langsida av botnen på posen.
Ta gjerne litt lim inn i trekantane som dannar seg i kvart hjørne før du fortset med å brette og lime dei to klaffane over mot midten av botnen slik:
Press botnen flat frå innsida av posen slik at limflatene ligg godt mot kvarandre. Eg brukar linjalen til hjelp her. Legg gjerne posen flatt under ei bok medan den tørkar eller gjer som meg og ta utolmodig eit skrytebilde for å vise fram den ferdige kule papirposen!
No må eg berre inspisere posane for å sjekke om tegneseriane på posane passar seg i ein sjuårsdag…
Så utrolig kule de ble! Kjenner jeg må herme en vakker dag:)
Artig! Det var virkelig kreativt. Og jeg kunne faktisk tenke meg å lage slike til å plante før i nå til våren, det måtte vært stilig… Hvis ikke de blir helt ødelagt av fuktig jord…
Viss du brukar litt glansa papir går det nok ei stund før dei løyser seg opp.
Så utrolig fint. Dette må jo være den perfekt innpakning til bursdager :)
Ja, det tenkte eg òg medan eg heldt på. Ein del magasin og tegneserieblader lever eit utrygt liv her i huset framover ;)
Så flotte! Så flink du e! Masse jobb der, men er nok verd det når ungene ser posene!
Lykke til med dageng og takk for visningen av hvordan du har laga dem!
klem fra odin